Ang mga dalisay na layunin ay gumaganap ng napakahalaga at makabuluhang papel sa buhay ng isang Muslim. Sa isang malalim na pahayag, ay ipinaalam sa atin ni Propeta Muhammad (SAWS) ang tungkol sa iba’t ibang uri ng mga tao pagdating sa panrelihiyon at makamundong buhay. Sinabi niya na mayroong apat na uri ng tao.
Ang una ay isang taong nakakaunawa sa kanilang relihiyon at biniyayaan ng Allah ng kayamanan. Pinagsama nila ang dalawa upang pasayahin ang Allah at tulungan ang iba, at ang tulad nito ay mula sa pinakamabuting tao.
Ang pangalawa ay isa na may panrelihiyong pang-unawa ngunit hindi gaanong marami pagdating sa kayamanan. Ginagamit nila ang kanilang layunin, at may matatag na pananalig, sinasabi na kung sila ay biniyayaan ng kayamanan, sila rin ay gagawa ng kabutihan tulad ng naunang tao. Sinabi ni Propeta Muhammad (SAWS) na ang pangalawang taong ito ay magkakaroon ng pantay na gantimpala kasama ng nauna, dahil sa kapangyarihan ng layunin.
Ang pangatlo ay isang taong may makamundong pagpapala, ngunit walang kaalaman sa relihiyon. Dahil dito, ay hindi nila pinasasaya ang Allah at ginagamit ang kanilang kayamanan para saktan ang iba at nagiging mayabang bilang resulta. Ito ang pinakamasamang uri ng tao.
Ang ika-apat ay ang walang wala; ni kaalaman sa Islam o makamundong pagpapala, ngunit sila ay may masamang hangarin. Nilalayon nilang maging katulad ng ikatlong tao, at magkaroon ng katulad na antas bilang resulta.
Ipinapakita nito kung paano mababago ng isang banal at dalisay na layunin ang buhay ng isang Muslim. Madalas iniisip ng mga tao na ang mga layunin ay para lamang sa pagsamba. Bagama’t ito ang pangunahing dahilan, ang layunin ay maaaring magbago kahit na ang pang-araw-araw na gawain at mga gawaing-bahay upang maging kapaki-pakinabang na mga gawain, kung gagawin para malugod ang Allah.
Halimbawa, ang pagkain ay isang gawain ng tao. Wala itong alinman, sa pantay na kakulangan sa kalagayan nito, ng anumang gantimpala o parusa na nakalakip dito. Gayunpaman, kung ang isang tao ay kumain at nagnanais na makakuha ng lakas at sigla upang mas higit na sambahin ang Allah at gampanan ang kanilang mga tungkulin, ang gawaing ito na pagkain ay maaari na ngayong gantimpalaan. Gayundin, ang pagtulog ay isang pangkaraniwang gawain ng tao. Kung ang isang tao ay nagnanais na ang kanilang pagtulog ay magpapasigla sa kanila at pahihintulutan silang magising sa oras para sa araw-araw na panalangin na itinakda pagkatapos ng bukang-liwayway at isagawa ito sa isang mas magandang kalagayan, ay ginagawa nitong gantimpala ang pagtulog.
Maaari mong sundin ang nasa itaas at gawin ito sa maraming bagay. Sinabi sa atin ni Propeta Muhammad (SAWS) na ang pagpapakain sa ating mga pamilya ay pagkakawanggawa, ang pag-alis ng isang bagay na nakakapinsala sa daan ay pagkakawanggawa, at ang pagngiti ay pagkakawanggawa. Ang lahat ng ito ay pangkaraniwang mga gawain. Kung ito ay sinamahan ng isang layunin para malugod ang Allah, sa gayon ang mga ito ay mapapalitan ng gawaing pangkawang-gawa na ibig ng Allah at magkakamit ng gantimpala.
Sinabi ni Propeta Muhammad (SAWS) sa kanyang mga alagad na ang pagkakaroon ng mga asawa na may mabuting layunin ay kapaki-pakinabang. Ikinagulat nila ito dahil ang pagtatalik ay isang kaaya-aya at kasiya-siyang bahagi ng kasal. Sinabi sa kanila ni Propeta Muhammad (SAWS) na kapag natupad nila ang kanilang makamundong pagnanasa sa isang ipinagbabawal na paraan ang mga ito ay kasalanan, gayundin naman, na ang pagtupad dito sa isang paraan na pinapayagan at naaayon sa batas na paraan, ay may gantimpala o kapaki-pakinabang.
Sa mabuting layunin ay mababago natin ang ating buhay. Ito ay nangangailangan na gawin natin ang lahat ng ating makakaya upang maging maingat at magkaroon ng kamalayan sa ating mga pagkilos at ang mga layunin sa likod ng mga ito. Kapag natupad, ito ay isang napakalaking pagkakataon na makamit ang gantimpala at biyaya ng Allah.
