Ang buhay na halimbawa at ang huwaran ng buhay ni Propeta Muhammad ﷺ na kilala bilang Sunnah, ay ang pangalawang mapagkukunan ng kaalaman sa Islam pagkatapos ng Qur’an. Pinupuri at ipinapaliwanag nito ang Qur’an, at nagbibigay ng praktikal na mga halimbawa na nagpapaliwanag sa mga kautusan ng Quran sa kaugnay na kahulugan. Ito ang dahilan kung bakit nagpadala ang Allah ng mga Sugo sa buong kasaysayan bago ang Kanyang pagpapahayag ng Banal na Kasulatan. Sinabi ng Allah, “Ipinahayag sa iyo ng Allah ang Libro at ang kaalaman.” [4:113] Ang kaalaman dito ay tumutukoy sa halimbawa ni Propeta Muhammad ﷺ, ang Sunnah.
Kapag inutusan tayo ng Allah na mag-alay ng pang-araw-araw na mga ritwal na panalangin o magsagawa ng peregrinasyon (pagbisita sa banal na lugar) sa Makkah sa Qur’an, ito ay ang buhay na halimbawa at ang huwaran ng buhay ni Propeta Muhammad ﷺ na ganap na ipinapakita sa atin kung paano. Ang buhay na halimbawa at ang huwaran ng buhay ni Propeta Muhammad ﷺ ay nagtuturo sa atin kung paano magsagawa ng ritwal na mga panalangin, ano ang bibigkasin, ilang yunit (Raka’ah) ang isasagawa, ang itinakdang mga oras, at ang mga kondisyon na kailangang makamit bago magsimula tulad ng ritwal na maghuhugas. Ang buhay na halimbawa at ang huwaran ng buhay ni Propeta Muhammad ﷺ ay nagpapaliwanag kung paano isagawa ang mga ritwal ng peregrinasyon, saan pupunta at kailan; ano ang gagawin dito at kung paano.
Ang kapangyarihan ng buhay na halimbawa at ang huwaran ng buhay ni Propeta Muhammad ﷺ ay nagmumula sa maraming mga kautusan sa kabuuan ng Qur’an kung saan inutusan tayo ng Allah na sundin ang Kanyang Sugo na si Muhammad ﷺ. Narito ang ilan sa limampung mga patunay sa Qur’an na may kaugnayan sa paksang ito: Sinabi ng Allah, “Sinumang sumunod sa Sugo ay tunay na sumunod sa Allah; nguni’t sinumang tumalikod, magkagayon, ikaw ay hindi Namin isinugo bilang tagapagbantay sa kanila.” [4:80] Inutusan tayo ng Allah na sundin si Propeta Muhammad ﷺ at binigyan tayo ng babala laban sa pagsuway sa kanya, “O kayong mga naniniwala, sumunod kayo sa Sugo at huwag ninyong sayangin ang inyong mga gawa.” [47:33]
Ang pagtanggap sa mga kautusan, katuruan at mga kapasyahan ay isang mahalagang bahagi ng paniniwala. Sa katunayan, ang mismong pagpapatotoo ng pananampalataya na nagdadala sa isa sa Islam ay kinabibilangan ng pagpapahayag na ang isa ay maniniwala sa mensaheng dinala ni Propeta Muhammad ﷺ, susundin ang kanyang mga tagubilin, iiwas mula sa kanyang mga ipinagbabawal, at sasambahin lamang ang Allah bilang pagsunod sa kanyang halimbawa. Ang kanyang mga salita at mga katuruan ay pinahintulutan ng Allah at kaya dapat sundin na parang ang Allah mismo ang nag-utos sa kanila. Sinabi ng Allah, “Nguni’t hindi! Sumpa man sa iyong Panginoon, sila ay hindi [tunay na] naniniwala hanggang ikaw [O Muhammad] ay kanilang gawing tagapaghatol sa anumang hidwaang namamagitan sa kanila, at [hanggang] walang makikitang hinanakit [o bahid ng pagtutol] sa kanilang mga sarili hinggil sa anumang iyong hinatol at tumatalima nang [buong] pagtalima.” [4:65]
Kung wala ang buhay na halimbawa at ang huwaran ng buhay ni Propeta Muhammad ﷺ, ay hindi natin mauunawaan ang Qur’an ng tama. Hahantong ito sa hindi pagkakaunawaan ng bawat tao sa Qur’an ayon sa kanilang mga ideya at mga hangarin na hahantong sa maraming pagkalito at magreresulta sa isang paraan na naiiba sa Islam ayon sa layon o hinahangad ng Allah. Ipinaliwanag at ipinakita ni Propeta Muhammad ﷺ kung paano unawain ang Qur’an at isabuhay ito. Kaya naman, nang hiniling sa kanyang maybahay na si Aeysha (RA) na ilarawan ang kanyang pagkatao, sumagot siya na ito ay ang Quran, ibig sabihin ay kinatawan niya ang mga katuruan nito.
Ang buhay na halimbawa at ang huwaran ni Propeta Muhammad ﷺ ay banal na inspirasyon. Sinabi ng Allah, “At siya ay hindi nagsasalita mula sa [kanyang sariling] pagnanasa, [Sapagka’t] ito ay kapahayagan na ipinahayag [sa kanya].” [53:3-4] Ito ay nangangahulugan na ang lahat ng kanyang sinabi sa mga tuntunin ng paraan ng Allah ay ipinag-uutos ng Allah at may kapangyarihan na nagmula sa Allah. Ito ang dahilan kung bakit ang kanyang mga alagad ay isinaulo ang mga detalye ng kanyang halimbawa at isinalaysay ito sa iba. Sa wastong pagsunod sa Sunnah, ay mauunawaan natin ang Qur’an at isabuhay ang Islam sa paraang nais ng Allah.
Paalala:
Ang simbolo na ito ﷺ ay isang panalangin na isinulat gamit ang kaligrapiyang Arabik. Ito ay binabanggit/isinusulat sa tuwing binabanggit si Propeta Muhammad, ayon sa kautusan sa Qur’an 33:56. Ang ibig sabihin “Nawa’y parangalan, pagpalain at protektahan siya ng Allah.”
